20-Second Timer
Time remaining: 20

 


အညံ့ခံရေး 


လူအများစုတွေဟာ လူအနည်းစုဖြစ်သွားကြပြီး 

လူအနည်းစုတွေဟာ လူအများစုဖြစ်လာကြတယ် 

ဒါဟာ အညံ့ခံရေးပဲ ။ 


အရှုးပေးရမယ်ဆို ဘာပဲ လုပ်ရ လုပ်ရ 

ငါတိုရဲ့ သွေးကြောထဲမှာက 

နှစ် ခုနှစ်ဆယ်ကျော်ကြာ ကြောက်တတ်တဲ့စိတ်တွေ အပြည့် ။ 


ဒီကနေ့ ဒီရက်ကစပြီး 

"မင်းကို အရမ်းချစ်တယ်" လို ပြောရမယ့်အစား 

"မင်းကို အရမ်းကြောက်တယ်" လို ပြောင်းပြောကြမယ် ။ 


အညံ့ခံရေးမှာ ပါဝင်ပတ်သတ်နေတဲ့သူများ 

အာနက်စတို ဝါဒနဲ့ ဂျိန်းဘုန်းကြီးများ

မောင်းပြန်ရိုင်ဖယ်က ထွက်လာတဲ့ ကျည်ဆံခွံများ 

တစ်ဖျက်ဖျက်ခတ်နေတဲ့ ဒေါင်းမွှေးယပ်တောင်ခတ်သံများ ...


ကုန်ဈေးနှုန်းအတက်အကျနဲ့ 

လူထုရဲ့ ငတ်မွတ်ဆောင်လောင်မှုထဲမှာ 

ဝိုင်တစ်ခွက်ဟာ ကိုင်ရခက်နေ ။ 


လူအနည်းစုဟာ လူအများစုဖြစ်သွားကြပြီး 

လူအများစုသာ လူအနည်းစုလိုဖြစ်နေတဲ့အခါ 

ရန်သူကို ရင်ဆိုင်နေရင်း

ရန်သူ့ရဲ့ ပုံစံအတိုင်းမနေမိတဲ့အခါ 

ဒါဟာ အညံ့ခံရေးပဲ ။ 


လီနင်ရဲ့ စောက်နဖူးပြောင်ကြီးကို လှောင်ပြောင်ပြီး 

မူဆိုလီနီရဲ့ မေးရိုးကားကားရဲ့အောက်မှာ 

ဝပ်ဆင်းရိုကျိုးသွားနေတဲ့ ဘဝ ။

                                                                -ဗာဂို