နှမ်းဖြူး- ၂

=======


Fight for freedom ဆိုတဲ့နဖူးစီးနဲ့

ငါ့ သူငယ်ချင်းတွေ တိုက်ပွဲဝင်ဖို့

ချီတက်သွားကြပြီ

ငါကတော့ ဖျားနာချင်ယောင်ဆောင်ပြီး

အိမ်မှာ နေရစ်ခဲ့တယ်

ငါ့မှာ သွေးကျဲ ရောဂါရှိတယ်

ဘာအရေးလဲ

ဟိုကောင်တွေ မအောင်မြင်ရင်

ဝမ်းနည်းကြေကွဲပြရုံပေါ့

ဟိုကောင်တွေ အောင်မြင်ရင်

အသီးအပွင့်တွေ အဆင်သင့်

ခြွေယူစားသုံးရုံပေါ့

ရေစီးအတိုင်း 

ငါးကလေးတစ်ကောင် ကူးခပ်သွားတာတွေ့ရင်

အဲ့ဒါ ငါပဲ။


- လင်း မာအို