20-Second Timer
Time remaining: 20


 ညီမလေးမြို့ပြ 

________

အသက်မရှိတော့မှန်း သိပေမဲ့

မရိပ်မိအောင် စောင့်စည်းနိုင်ခဲ့ကြ

ငါတိုညနေခင်းတွေ ။

တစ်ယောက်ပေါ်တစ်ယောက်မှိင်းညိုခဲ့မှုတွေ

တစ်ယောက်ပေါ်တစ်ယောက်အုံဆိုင်းခဲ့မှုတွေ

ဝေးမှာသေချာတော့မှ

ရင်ဟာတစ်ဖျတ်ဖျတ်ခုန်လာတယ် ။

မင်းကကျောပိုးအိတ်လေးလွယ်လို

ငါက ငါ့မျက်ရည် ငါလွယ်လို

တစ်ယောက်နဲ့ တစ်ယောက်

မိသွားမှာလည်း စိုးရိမ်ရ

လွတ်သွားမှာလည်း စိုးရိမ်နေရ။

မင်းရဲ့လက်ရေးဝိုင်းဝိုင်းလေးကအစ

မင်းရဲ့ ကျောပြင်လေးကအစ

မင်းရဲ့ လူသားချင်းစာနာစိတ်ကအစ

အစစအရာရာ ပြာကျပစ်လို ဖြစ်ပါ့မလား ။

ခုတော့

မြေကြီးနဲ့လေယာဉ်ပျံလို

ငါတို ဝေးခဲ့ကြပြီ ။

ညီမလေး

အောင်မြင်တဲ့ဘောလုံးအသင်းတစ်သင်းလို

ကွင်းလယ်ကိုစီးမိုးပြီး

ကိုယ့်နေ့ရက်ကိုယ်ဆန်တက်ပါညီမလေး ။

ငါတိုဟာ

ကွဲကြေနေတဲ့မှန်သားတွေဖြစ်ခဲ့ရင်တောင်

ငါတိုရဲ့ အစအန တွေ

ဘယ်အရာကိုမှမဖိတ်စင်အောင်

နေတတ်ရမယ်

ဒါမှ

ညီမလေးမြိုပြ။   ။


- အောင်ခိုင်မြတ် -