မန္တလေးတစ်ပြ


မန္တလေးဟာ

မန္တလေးရမ်ပဲသောက်တယ်

ဘယ်မြို့သူကမှ

သူ့ကိုယ်သူ ရွှေမြို့သူလို့သိပ်မခေါ်ဘူး

မန္တလေးသူက

သူ့ကိုယ်သူ ရွှေမန်းသူလို့ခေါ်တယ်

မြန်မာဘုရင်စနစ်ဟာ

မန္တလေးမှာ ဇာတ်သိမ်းသွားခဲ့တယ်

လူထုသတင်းစာတွေထုတ်ခဲ့တာ

လူထုဒေါ်အမာပေါ့

မြို့မတီးဝိုင်းအတွက်သီချင်းတွေရေးပေးခဲ့တာ

မြို့မငြိမ်းပေါ့

နန်းတော်ရှေ့မှာနေခဲ့တာ

နန်းတော်ရှေ့ဆရာတင်ပေါ့

မန္တလေးဟာ

နန်းတော်ရှေ့မှာ လူထုသတင်းစာကိုဖတ်ရင်း

မြို့မငြိမ်းသီချင်းကိုညည်းနေတယ်

လမ်းတွေကလည်းအကျယ်ကြီး

အလွမ်းတွေကလည်းအကျယ်ကြီး

မန္တလေးဟာ

စက်ဘီးလေးစီးလို့

မြစ်ကြီး စီးလို့။


-အောင်ခိုင်မြတ်