ဆောင်းလေ 

-----------


အလွမ်းဟာ စစ်ကျန်ဗုံးသီးကြီးတစ်လုံးလို

ဘယ်အချိန်ပေါက်ကွဲရမှန်းမသိတဲ့အပြင်

ပေါက်ကွဲခွင့်ရဦးမလားတောင် မသေချာဘူး။


ပင်ပန်းဆင်းရဲမှုတွေကြားမှာ

ချစ်သူရဲ့စကားသံ၊ အနမ်းအထိအတွေ့...

မောင်းထုတ်ရခက်ဖူးတယ်

စစ်ရေးပြအကွက်ထဲမှာ မင်းအကွက်တွေ။


ဒီတော်လှန်ရေးထဲမှာ

ပြန်မဆုံနိုင်တော့တဲ့ချစ်သူတွေကို အားနာ

သတိရခြင်းတွေကို ချိုးနှိမ်ထားလိုက်ပါတယ်။


ဆောင်းလေတိုးသံလား လေယာဥ်သံလား

သေချာအောင်နားစွင့်နေရတဲ့ကင်းသမားဟာ

ဗမာပြည်လွတ်လပ်ရေးရတဲ့အခါ

မွေးရပ်အညာမှာ ပြန်နေချင်တဲ့အကြောင်း

အမေ့ဆီတော့ သတင်းစကားပါးချင်ပါရဲ့။    ။


- မောင်ဆောင်းခ