ချာတိတ်

 

ချာတိတ် 

ငါတိုဟာ ကျောင်းတတ်ခေါင်းလောင်းမထိုးခင် ဆယ့်ငါးမိနစ်အလိုကတည်းက 

ကျောင်းစိမ်းထမိန်ပေါ်က ငါတိုရဲ့ သွေးပြန်ကြောတွေကို 

နေ့စဉ်ကြည့်ပြီး ရင်ခုန်ပြီး 

လူပျိုဖော်ဝင်ခဲ့ ။ 

သိပ်မကြာပါဘူး

စော်တစ်ဗွေရလာတယ် 

သိပ်မကြာပါဘူး ပြန်ပြတ်သွားတယ် 

ငါတိုဟာ အကြည့်တွေမှာသာ

လျှိဝှက်ရက်စက်နေတာ 

တကယ်တမ်း

ကိုယ်ကာယသွေးပူလေ့ကျင့်ခန်းတွေလုပ်ရမယ်ဆိုတော့ ထုံလို အ လို 

တကယ့်ကို စောက် တုံး စောက်အ တွေ..

ဉာဏ်ကောင်းရဲ့သားနဲ့ ဒိုးယိုပေါက်လို တဟောဟောကျလာတဲ့

ကျူရှင်ကမေးခွန်းတွေကြောင့် 

ငါတိုဟာ ငါတိုဦးနှောက်ကို

ကျူရှင်လခတွေနဲ့စစ်တိုက်ခိုင်းခဲ့ကြတာ

အဲ့ဒိအချိန်ကတည်းက ငါတိုဟာ တော်လှန်ရေးစိတ်ဝင်ပြီး

ချေဂွေဗားရားတစ်ပိုင်း

ဆရာစံတစ်ပိုင်းနဲ့ 

တစ်လုံးလဲပြည့်ရော ဖင်တွေထောင်လို ။ 

အေးပေါ့ ငါတို မုန့်ဖိုးတွေစုပြီး

သောက်ခဲ့ကြတာ ၉၀၀ တန် ရှန်ပိန် စောက် စုတ် တွေမိုပေါ့။

လပတ်စာမေးပွဲတွေတိုင်း ရလာတဲ့အမှတ်တွေက 

အောင်မှတ်သာသာပဲ 

ကျေနပ်ပါတယ် 

ငါတိုကျေနပ်ခဲ့တယ် 

အင်္ဂလိပ်စာသင်နေတဲ့အချိန်မှာ

သင်နေတဲ့ဆရာမက

မြန်မာလိုပြောနေသ၍

ငါတိုက ဆက်ပြီးကျေနပ်နေရဦးမှာ ။ 

ဘရွန်ချက်လား ဒိုင်လား

အာသိန်းလား သခွားလားတဲ့ 

စနစ်အစုတ်အပြတ်ကို စိတ်ကုန်ပြီး ကျောင်းအစောကြီးထွက်သွားတဲ့ကောင်တွေက မေးလာတယ် 

ငါတိုကလဲ အိုခေပဲလေ 

အကုန် on တယ် ။ 

သီချင်းနဲ့ဂျင်းန်ပင် ကို အိမ်တစ်လုံးဆောက်ပေးပြီး 

မိုးတွေရွာလာရင် ဒီအိမ်လေးထဲမှာမိုးခိုရ 

ကဖိန်းဓာတ်ပါတဲ့ ကော်ဖီကို စွဲလမ်းရ

ဆေးလိပ်ကို ဖင်ဆီခံပူလာတဲ့အထိ ဖွာရ  

တောင်ခြစ်မြောက်ခြစ် ခြစ်ပြီး

ခဲဖျက်မလိုခဲ့တဲ့ ပန်းချီကားတွေကို

ချစ်ရ နှစ်သက်ရ 

ခေါက်ထီးလေးအောက်က

မိုးရေစိုနေတဲ့ ဆံနွယ်စလေးတွေကို

ပုံဖော်စိတ်ကူးယဉ်ရ 

ငါတိုဟာ မစ္စတာဂျင်းန်ရဲ့ 

ရွက်ဖျင်စကို ဦးခိုက်နေတဲ့သူတွေအဖြစ် 

ကမ်းမမြင် လမ်းမမြင် လွင့်ခဲ့ကြ ။ 

အဲ့ဒိကာလတွေမှာ မိုးချုန်းသံတွေက 

ငါတိုရဲ့ နှလုံးသားထစ်ချုန်းရွာသွန်းမှုတွေကို ဆရာခေါ်ခဲ့ရတယ် ။

စောက်စကားများတဲ့

လူတွေကငါတိုရဲ့ ရန်သူ 

ငါတိုဝတ်နေတဲ့

အတွင်းခံဆိုဒ်ကိုတောင်မသိဘဲနဲ့ 

ငါတိုရင်ထဲမှာ ဖြစ်တည်မှုတွေကို

သူတိုက ဆရာကြီးလုပ်နေကြတာ 

တကယ့်ကို ရီစရာမပါဘဲ ရီလိုက်ရတဲ့ ဟာသအပိန်အချိုင့်တွေ ။ 

လူမိုက် 

လူမိုက် 

လူမိုက်တဲ့ 

ဒီလူကြီးတွေက အာချောင်ကြတယ် 

ဟ ဟုတ်တယ်လေ 

တစ်ခုခုကို ရူးသွပ်နေမှ

အဆင်ပြေနေမယ့်ငါတိုဟာ 

ငါတိုကို လာရူးသွပ်မယ့် 

ဒြပ်ရှိဒြပ်မဲ့တွေကို 

ဘာတစ်ခုမှ လက်မခံ 

လက်ခံမိလိုက်ရင် 

ငါတိုကိုယ်တိုင် အကြော်မပါဘဲ

အလွတ်ကြီး ရူးသွားမှာ ။ 

ဆက်ပြောဦးမယ် ...                                    

#ဗာဂို