ဇယ်ရာ 



ခံစားတပ်မက်ပြီးမှ ချရေးခဲ့ရတဲ့ သိက္ခာတွေပါ 

မင်းဟာ အခုတော့ မင်းအသည်းကို မင်းပြန်စားနေပေါ့ ...


နွေလည်ခေါင်မှာ ရေခဲကို စိတ်ဝင်စားချင်သူတစ်ယောက်အဖို့ 

ငါဟာလည်း ငါ့အိပ်ရေးပျက်ညတွေထဲမှာ 

ငါ့ကိုယ်ငါအိပ်ငွေ့ချဖို့အတွက် ရေတွက်စရာတွေ ရလာတယ် ။ 


ဇယ်ရာ ... အဲ့ဒါမင်းပဲ ။ 


ဇယ်ရာပြီးရင် ဇယ်ရာ 

ဇယ်ရာ မလာခင် ဇယ်ရာ 

ဇယ်ရာထွက်မသွားခင် ဇယ်ရာ 

ဇယ်ရာ ထွက်သွားတော့လည်း ဇယ်ရာ 

ဇယ်ရာဆိုတဲ့ စိတ်နဲ့ မီးခိုးတိတ်ပူဆွေးခဲ့ရ ။ 


ချစ်သောမုန်းစကားတွေ အများကြီးပြောခဲ့ပြီး 

မမုန်းသောချစ်စကားတွေ ဘာ့ကြောင့်မပြောခဲ့ရ ဆိုတဲ့ အတွေးတွေက 

ကော်ဖီတွေတောင် အေးတယ် ။ 


ပုဂ္ဂလိကပိုင်အဆင့်မှီ ကျင်ငယ်​ရေစွန့်ကြွေခွက်ထဲကို

ဆေးလိပ်ပြာတွေ ခြွေထည့်လိုက်ရတဲ့ အရသာဟာ

အန္တရာယ်များသလို ချိုမြန်ရဲ့ ။ 


ဟိုအရင်တစ်ခါက 

မင်း နှစ်သက်ခဲ့ပါတယ်ဆိုတဲ့ စီးကရက်ကိုယ်သင်းရနံ့လေး 

အခု အသက်ရှူကျပ်နေတယ် ဇယ်ရာ ။ 

                                                               ဗာဂို