20-Second Timer
Time remaining: 20


 မိသားစု


မိသားစုဆိုတာ 

တစ်ယောက် ရှေ့ရောက်ဖို 

တစ်ယောက် နောက်ဆုတ်ရတယ်

သစ်ကိုင်းတစ်ကိုင်း တိုးထွက်ဖို 

သစ်ကိုင်းတစ်ကိုင်း အခုတ်ခံရတယ်

မိသားစု သီချင်းဟာ အတက်အဆင်းရှိတယ် 

သံစုံ မြည်တယ် ။ 


မိသားစုဆိုတာ 

လူခြောက်ယောက်ရှိ လူခြောက်ယောက် 

လက်ဆယ်ချောင်းရှိ လက်ဆယ်ချောင်း 

ခေတ်က တောင်းဆိုတဲ့အတိုင်း 

လှုပ်ရှားရတယ် , အိမ်ရှိလူအကုန် ။ 


လဲကျသွားတဲ့ ငါ့အဖေနေရာကို

ငါ့အကို ၀င်ခဲ့တယ် 

ယိုင်နဲ့သွားတဲ့ ငါ့အမေရဲ့ နေရာကို 

ငါ့အမကြီး ၀င်ခဲ့တယ် 

မိသားစုကို ငါမမြင်ခဲ့ဘူး ။ 


ငါ့အတွေးအခေါ်က သားသမီးဆိုတာ 

သီးခြားရှင်သန်ရတဲ့ ဘ၀တစ်ခု 

ငါက လမ်းပေါ်မှာကြီးပြင်းခဲ့လို 

လမ်းနဲ့ သွေးသားတော်စပ်တယ်လို ထင်တယ် ။ 


ငါ့မိသားစုမှာ ငါဟာ မလင်းတဲ့မီး 

ငါ့မိသားစုမှာ ငါဟာ မလုံခြုံတဲ့ထရံ 

ငါ့ကြိုးကို တီးခတ်လိုက်တိုင်း အသံကြောင်ထွက်တယ် 


ငါ့မိသားစုမှာ မိုးယိုပေါက်လေး တစ်ပေါက်

ရှိနေတယ် ဆိုရင်လည်း ငါပဲဖြစ်မှာ 

ငါ့မိသားစုမှာ ကြမ်းခင်းတစ်ပေါက် 

ကျိုးပဲ့နေတယ်ဆိုလည်း ငါပဲဖြစ်မှာ 

မအောင်မြင်တဲ့ ဘောလုံးအသင်းဟာ ငါ့မိသားစုပဲ 

မ၀င်တဲ့ဂိုးတွေကို ငါသွင်းခဲ့တာ။ 


#စိုင်း၀င်းမြင့်