20-Second Timer
Time remaining: 20

 


 ဝန်ခံရရင် ငါ့မှာ မင်းနဲ့ပက်သက်ပြီး

ဆိုက်ကိုတွေကျန်နေတုန်း

ရှားရှားပါးပါး မင်းသုံးဖူးတဲ့

ပရိုဖိုင်ပုံလေးနဲ့တစ်ယောက်က လာမန့်တော့

ငါ့မှာ မင်းများလားဆိုပြီး 

သူ့ဝေါကို အပြေးသွားကြည့်ရတာ အမော

မင်းပြောတဲ့ လေယူလေသိမ်းနဲ့ ခပ်ဆင်ဆင်

တစ်ယောက်ကများ လာမန့်သွားရင်

ငါ့မှာ သူ့အကောင့်ကို ပြေးကြည့်ပြီးစူးစမ်းမိပြန်ရော

တယောက်ယောက်ကများ 

ငါ့အကြောင်းလာမေးရင်

မင်းများမေးခိုင်းသလားဆိုပြီး

ထင်ယောင်ထင်မှားဖြစ်နေတုန်း

နာမည်ဆင်ဆင်တစ်လုံးလောက်များပါရင်

မင်းရဲ့ အကောင့်သစ်များလားဆိုပြီး

ငါ့မှာ သွားလေ့လာမိပြန်ရော

အမှန်တော့

မင်းက ငါ့ဆီ ပြန်မလာတော့ဘူးဆိုတာ 

ငါလည်းသိပါတယ်

ဒါပေမယ့်ပေါ့

ဒါပေမယ့်ပေါ့လေ

ငါ့မှာ ဒီလို ထင်ယောင်ထင်မှား မျှော်လင့်ချက်လေးမှ

မထားရရင် ငါ ဘယ်လို ရှေ့ဆက်ရမလဲ

မင်းပြန်မလာရင် ငါသေမယ်လို့ မပြောပါဘူး

ငါ သေလည်း မသေပါဘူး

စိတ်ကူးယဉ်ရတာကြိုက်တဲ့ ငါလိုကောင်အတွက်

မနက်ဖြန်တွေကို အခုလိုမျှော်လင့်ချက်တစ်ခုမှ မရှိရင်

ဘယ်လို ဖြတ်သန်းရပမလဲ

မင်းစဉ်းစားကြည့်ပေးအုံး ငါ့ဘက်ကို။


- လင်းမာအို