20-Second Timer
Time remaining: 20

 


ဘာဖြစ်ချင်လဲဆို 

" ငါ့တုန်းကဆိုရင် "လို ပြောတဲ့လူတွေနဲ့ 

ဝေးဝေးမှာပဲ နေချင်တယ် ။


လိပ်ပြာဖြစ်ကာစ အကောင်ပေါက်ကလေးတွေ 

စိတ်ရှိတိုင်း ပျံထွက်သွားနိုင်ကြဖိုရာအတွက် 

အိမ်ပြတင်းတံခါးတွေကို ထ,ထဖွင့်ပေးချင်တယ် ။


မိုးလည်း အုံနေစေချင်တယ် ,

မှောင်ကျသွားမယ့်အချိန်တွေကိုလည်း 

နောက်ကျစေချင်တယ် ။


ပကတိအတိုင်းမရှိတဲ့စိတ်ကိုလည်း

တည်ငြိမ်လာစေချင်တယ် ။


တစ်ခါလောက်ဖြစ်ဖြစ် ကိုယ်ငေးနေတဲ့နေရာဟာ

ရုပ်ရှင်ထဲကလို ပန်းတွေ တဖြည်းဖြည်းပွင့်လာတဲ့

ဇာတ်ဝင်ခန်းမျိုး ဖြစ်သွားစေချင်တယ် ။


စကားတွေ နည်းလာချင်တယ် 

ကိုယ့်ရဲ့ဘေးမှာ အမှန်အတိုင်းတွေပဲ 

များ , များ လာစေချင်တယ် ။


ခလုတ်ထိချင်တယ် , 

အမိလိုလည်း တခွင့်ရချင်တယ် ။


တစ်နေ့တော့ဆိုတဲ့နေရာကို သိချင်တယ်

ခြေဦးတည့်ရာထွက်သွားမိခဲ့ရင်တောင်မှ ကောင်းရာမွန်ရာရောက်မှာပါလို အမြဲယုံကြည်နေချင်တယ် ။


ဘာတစ်ခုမှ မရနိုင်တော့ဘူးဆိုရင်တောင်မှ

အရာအားလုံးကို ဆုံးရှုးသွားခဲ့ရတာလေး သေချာနေစေ့ချင်တယ်။


#ချစ်မင်းဝေ